مبين من عنوانة مو
هاية انتظر الردود
اوكفو وين فلتو استنو شوي
نبلش
فد يوم من الايام
شفت نفسي هسة كعدت من النوم
اشو كمت كلت خلي اشرب مي جنت جوعان
رحت دا اشرب مي حطيت الگلاص و عفته شربت بيدي
المهم شربت مي
جان أباوع على الساعة أشوفهة بالخمسة الصبح ورة اذان المغرب
قبل صلاة الجمعة
اتذكرت كلت عندي موعد مال اسنان طبيب
رحت لبست الحذاء و فوكاها الجواريب
و لبست البنطرون و التيشيرت
جان عندي برازيلي دبل قمارة تايرين و 3 بيبان
كلت خلي اروح بيهة جان هية تروح بية
دا أمشي جان شفت اشارة ممنوع الوقووف
جان اضرب هذاك البريك و انزل بالشارع اسوي عملية انبطاح
اشو الناس كلهة انبطحت الى ان اجة طرشي المرور
كلي شبيك عمو كتلة دشوف اللافتة و تعال احجي وياية
كلي لا لتخاف مواطن ما عليك شي الله حاميك
كتلة اشكرك من ذوقك و جان يفتحلي السيارة مال باب
و خلة درج حتى اصعد بالسيارة ،، المهم دا امشي
جان اشوف مطعم و اني شو بطني تقرقر يمكن جوعانة
سألتهة كتلهة شبيج حياتي جوعانة
كلتلي لا مجوعانة بس ميته جوع
كتلهة يلا عبالي جوعانة اشو دا امشي خطوتين ثانية
جان تسوي قررررررررررر كتلهة قزرقط حياتي شبيج
كلتلي راح اموت من الجوع ،، كتلهة يلا امشي
تجين ناكل شماطة طوي كلتلي شنو يعني
كتلهة يعني طمامة مسكَوفة تخبل
كلتلي لا كتلهة بت الكلب جاية فوكَاها تتأمرين علية
دمشي الا اوكلج فلافل من الماكَدونلد
المهم كلتلي بس شوية بسرعة كتلهة لا مو زينة السرعة
راح استعجل بس ما اسوق سريع
لكيت ركن يخبل يشبه المطعم بس مكتوب علية ماكولات
بس عبالك مطعم شو شفته كيفت كلت خلي تزقنب هاية
كتلهة يلا امشي ،، نزلت قبلي لان تعرفون ( ألنساء أولاً )
نزلت كلتلي اقفل السيارة زين نزلت وراها و ربطت السيارة بالعامود
علمود محد يخمطهة لان فلوسي بجيبي فأخاف على التايرات
المهم نزلنه جان وصيتلهة على لبلبي و بيتزا
كتلهة انتي الج البيتزا و اني الي اللبلبي لان بطني توجعني
كلتلي كَبر شبيك هوة انتة راح تاكلهم و اني اكل وراك
شبيك اني بطنك كتلهة هلو بطنك شلونك اخبارك
و وصيت على عصير و ورة شوية اجاني العصير
جان اكل العصير و رشيت فوكَا فلفل فد شي يشهي يخبل
و جبت البيتزا و خليت بيهة الكصبة و اكلتهة تخبل فاتتكم خرررب
و جان اعوف الفلافل لان طلعت صايم و ما ادري بنفسي
رجعت للسيارة جان اباوع على الساعة بالخمسة بليل
و ديأذن الصبح و الديج طاير و الحمام ديعوعي
كلت سبحان مغير المود يعني الاحوال
المهم رجعت للبيت ،، شفت شكو شماكو على التلفاز
طلعت مبارة العراق و البرازيل كأس العام
لسنة الفين و هسة
كلت اهوووو اكيد العراق مراح يفوز
جان نور صبري يدخل كول و كَبت العيطة
كيفت اشو جان تطفى الكهرباء بالملعب
كالو هاهية فازت البرازيل
ليش يابة فازت مو العراق جايب كَول كالو لان البرازيل
ما عدهة بانزين و المولدات متشتغل فهمة أولى بالكأس
المنتخب العراقي كال يلا لخاطركم و لخاطر الكهرباء
هاي بس لان ما عدكم كهرباء
و جان كَمت يعني وكَفت
جان احس نفسي نعسان كلت اروح انام لو كَعد على النت
اروح انام لو افتح ايميلي اشوف الاوفلاينات رحت على الكومبيوتر
فتحتة جان يطلعلي السمايل مال ياهو جان يكلي شعدك جايني
كتله اريد اشوف الاوف لاينات و انطمر
جان يكلي لا روح هسة ماكو و لا بنية اون لاين
كتلة بابة اشوف الاوف لاينات مهمة عندي
كلي مو اهم من النوم روح نام اني اشوفك الاوف لاينات
كتلة اذا اجتي استبرق كلهة نايم كلي اوكي روح
و جان انام ما أشوف الا الحلم باادي
لك لك هاي شلون شبسرعة
بس جان ابيض و اسود حرامات دا اصعد اعدل الاريل تذكرت ماكو كهرباء
و بعدين بنص الفلم جان اروح بـــ 7 نومة
و وراها كَعدت كتبتلكم هذا الموضوع
طبعاً لتسألوني شلون ألفت
الافكار اجتي رحمة من العزيز الجليل