حوار بين مواطن عراقي ولفة فلافل...!

يكَلك يا معزوز العين والسلامة اشتره مواطن عراقي لفة فلافل وفتح حلكه هستوه يريد ياكلها...

جان لفة الفلافل (داتصيح): أنتظر، الله يخليك لا تاكلني مو احنه اخوة...!

المواطن (مستغرب): شنو عيني شنو ؟ شلون عيني أخوة ؟!

لفة الفلافل: طبعاً ، شوفنا اثنينا ، اني أتكَله يوميه بالنار والحر، وأنت همين تكضي يومك متكلي بالشغل والحر وبالشمس الحاره وفوكاها الكهرباء طافيه...

المواطن: كافي عيني... آني جوعان واليوم الا آكلج فلا تتعبين نفسج تقنعيني بشغلات فارغة.

لفة الفلافل: أنت أخويه وأني مصممه على هذا الشي ، ملاحظت أنه سعرنا احنا الاثنين رخيص بالعراق، ونصير أكبر قيمة خارج العراق...

المواطن: يجوز عندج حق بس هذا مو سبب كافي تقنعيني بيه بانه احنا اخوة . خوش حبابه..

لفة الفلافل: زين شوف جسمنا ثنينه ضعاف وطوال ولونه أصفر، وماكو بداخلنا غير جم فلفلايه وشوية زلاطة وعنبه ..

المواطن: والله هسه يله اقتنعت ، صدك عندج حق يا اختي بس فاتج شيء مهم كلش ..

لفة الفلافل: وشنو هذا الشيء المهم كلش ؟؟

المواطن: يعني ما تدرين يا عزيزتي أنه احنا العرب يأكل واحد باللاخ يعني الاخ ياكل اخوه .. فما بيها شي اذا اني آكلج ..

لفة الفلافل (خايفه): لا..الله يخليك لالالالالاااااااا..

وبلكمتين مبقى اي أثر للفة الفلافل ..... خطية



اعلان راح نسوي حداد 3 ايام على اللفة خطية

شكرا جزيلا